Бо истифода аз Гугл дар хонаи худ енот ва ҳатто палангро маскун кардан мумкин аст. Бале, ҳоло танҳо дар шакли 3D, аммо ба ҳар ҳол, ин хеле дилошӯб аст.
Ҳанӯз дар соли 2019 дар ин конфронс, Гугл эълон кард, ки нақша дорад ба системаи ҷустуҷӯ моделҳои махсуси воқеияти такмилдодашударо илова кунад. Дар давоми ин сол Гугл тавонист якчанд объектҳои ҷолиби 3D-ро илова намояд, ки бевосита аз саҳифаи ҷустуҷӯ дар iPhone / iPad / Android дидан мумкин аст. Дар байни ин объектҳо ҳайвонҳои 3D будаанд. Функсия имкон медиҳад, ки истифодабарандагон сагҳо ва гурбаҳои муқаррарӣ ва еноти дилҷӯеро илова намоянд, барои дӯстдорони ғароибот ҳайвонҳои нодир низ мавҷуданд.
Барои дидани модел дар 3D, бояд замимаи Гуглро дар смартфони худ насб кард. Пас дар сатри ҷустуҷӯ бояд номи ҳайвони ваҳшӣ ё хонагиро бо забонҳои англисӣ ё русӣ ворид кард. Дар экран тавсиф бо тугмачаи "Тамошокунӣ дар 3D" пайдо мешавад.
Баъзе аз истифодабарандагони шабакаҳои иҷтимоӣ эътироф карданд, ки аз мавҷудияти моделҳои 3D бехабар буданд. Аммо, пас аз ин кашфиёти ғайричашмдошт, ҳаёти муқаррарии ҳаррӯза барои онҳо ранги нав гирифт.