Таъқиб вайрон кардани ҳудуди шахсии шумост ва он метавонад ҳам ҷисмонӣ (дастҳои номатлуб, бӯсаҳо, оғӯшҳо, пинҷҳо) ва шифоҳӣ (таърифҳои дағалона ё таҳқиромез, ишораҳои норавшан ба муносибати наздик ва ғайра) мебошад. Ба ин инчунин кэтколлинг дохил мешавад - ин суханҳои дағалонаи табиати интимӣ аз паси зан, чун қоида, дар бораи намуди зоҳирӣ, сурат, тарзи либоспӯшии ӯ мебошанд. Намунаи кэтколлинг - ба зани раҳгузар хуштак задан.
Шумо метавонед дар ҳама ҷо ба таъқиб дучор шавед - масалан, дар Қирғизистон, тадқиқоти ба наздикӣ гузаронида нишон дод, ки мутаносибан 23% ва 21,9% занон дар ҷои кор ва дар донишгоҳҳо ин ҳолатро аз сар мегузаронанд.
Дар Ӯзбекистон чанде пеш дар автобусҳо тугмаҳое гузоштанд, ки дар сурати таъқиб ба пулис занг зада тавонанд, ва дар Тоҷикистон ба наздикӣ як мард барои таҳқири зан дар кӯча, ҷарима шуд.
Бо ин инчунин метавон дар қаҳвахонаҳо ва ҷойҳои фароғатии гуногун ва инчунин дар шабакаҳои иҷтимоӣ рӯ ба рӯ шуд - бо рушди технология, воситаҳои иртиботот ва платформаҳо барои таъқиб торафт бештар мешаванд.
Киберсталкинг ё таъқиби киберӣ — ин вақте, ки Интернет барои таъқиб, озордодан ё тарсондан истифода мешавад. Киберсталкерҳо метавонанд тавассути шабакаҳои иҷтимоӣ шахсро пайгирӣ кунанд, ӯро бо ирсоли паёмҳои таҳдидомез масхара кунанд ё ҳатто почтаи электрониро шикаста бо тамосҳои ҷабрдида муошират кунанд (ва шояд дар он ҷо дӯстон, хешовандон ва ҳамкорони метавон буд). Киберталкерҳо метавонанд аксҳои қалбакӣ созанд, овозаҳо ё маълумоти бардурӯғро оиди шахс паҳн кунанд. Дар хотир доред, ки ҳам шахси шинос ва ҳам шахси бегона метавонад киберталкер бошанд.
Бо таъқиб аксар вақт мо метавонем дар ин ҷойҳо дучор шавем:
● дар кӯча
● дар қаҳвахонаҳо ва ҷойҳои фароғат
● дар кор ё мактаб
● дар нақлиёти ҷамъиятӣ
● дар шабакаҳои иҷтимоӣ, дар Интернет
Сарчашмаҳо:
https://www.gazeta.uz/ru/2021/11/26/frotteurism/
https://www.currenttime.tv/a/tajikistantsa-oshtrafovali-za-domogatelstvo/30755156.html
https://www.kaspersky.ru/resource-center/threats/how-to-avoid-cyberstalking