Рушди киберварзиш дар Осиёи Марказӣ

16.03.2022 • 08:44

Дар солҳои охир, киберварзиш дар миқёси ҷаҳонӣ маъмул гаштааст. Дар Бозиҳои осиёии соли 2022 киберварзиш расман ба барномаи мусобиқа ворид мешавад, ки варзишгарон барои медалҳо мубориза мебаранд. Сармояе, ки ба киберварзиш гузошта шудааст, миллионҳо долларро ташкил медиҳад (1).

Солҳои 2016-2018 дар кишварҳои Осиёи Марказӣ паи ҳам федератсияҳои киберварзиш – Федератсияи варзиши электронии компютерии Ӯзбекистон (2016), Федератсияи киберварзиши Ҷумҳурии Қирғизистон (2016), Федератсияи киберварзиши Қазоқистон (2017) ва Федератсияи киберварзиши Тоҷикистон таъсис дода шуданд.

Як пешравии калон дар минтақа ворид кардани киберварзиш ба феҳристи фанҳои варзишӣ буд. Моҳи июни соли 2018 дар феҳристи варзишии Қазоқистон як навъи варзиш - киберварзиш пайдо шуд. Моҳи декабри соли 2018 киберварзиш ба Феҳристи миллии варзиш ва фанҳои варзиши Қирғизистон ворид карда шуд. Соли 2019 дар Ӯзбекистон низ ҳамин чиз рух дода буд. Илова бар ин, дар соли 2020 Федератсияи Киберварзишии Qazaq аз ҷониби Кумитаи миллии олимпии Қазоқистон эътироф шудааст.

Маъмултарин бозиҳо дар минтақаи Осиёи Марказӣ, ки ба феҳристи мусобиқаҳо шомил шудаанд, Dota, CS, Tekken7 ва pes21 мебошанд. Ғолибон пас аз давраҳои интихобии дохилиҷумҳуриявӣ ба интихоби минтақавӣ – Осиёи Марказӣ, Осиёи Шимолу Ҷанубу, Амрико ва ғайра роҳ меёбанд. Иштирокчиёни минтақаи Осиёи Марказӣ, ки аз мусобиқаҳои интихобии минтақавӣ гузаштаанд, ба қисми ниҳоӣ роҳ меёбанд. Ҳар сол аз ҷониби Федератсияи Байналмилалии Киберварзишӣ(2) давраҳои ниҳоӣ дар кишварҳои гуногун ташкил карда мешаванд.

Якчанд мусобиқаҳои варзишӣ анъанавӣ шуда, варзишгарон ва тамошобинонро аз Осиёи Марказӣ ва кишварҳои ИДМ ҷалб мекунанд. Аз ҷумла, як силсила мусобиқаҳои ALTEL Cyber Games, ки дар онҳо намояндагони Узбакистон, Қазоқистон, Тоҷикистон, Қирғизистон, Арманистон, Беларус, Гурҷистон, Молдова, Русия, Туркманистон ва Украина ширкат мекунанд (3).

Сарчашмаҳо: