Киберварзиш як варзишест, ки ба фаъолияти рақобатӣ бо истифодаи бозиҳои видео асос ёфтааст. Варзишҳои компютерӣ ё электронӣ низ номида мешаванд.
Дар солҳои 1970-ум дар Донишгоҳи Стэнфорд аввалин мусобиқаи бозиҳои компютерии Spacewar баргузор гардид. Ин ҳодиса дар яке аз синфхонаҳои компютерии донишгоҳ сурат гирифт. Дар соли 1980 тақрибан даҳ ҳазор бозингар аз ИМА дар чемпионати Space Invaders рақобат карданд.
Дар солҳои 1980-ум, варзиши электронӣ асосан дар асоси консолҳои навтаъсиси бозиҳои видеоӣ инкишоф ёфт. Пас аз баромадани Nintendo ва Sega Genesis, бисёр ширкатҳо ба сармоягузории зиёд барои муаррифии бозиҳои видеоӣ ба одамон шурӯъ карданд.
Солҳои 90-ум як пешрафти ҷиддӣ дар паҳнкунии бозиҳои компютерӣ гардид, пайдоиши Интернет ба рушди бозиҳои видео такони ҷиддӣ бахшид. Иштирокчиён имконият пайдо карданд, ки байни худ мусобиқаҳои Quake ё Warcraft ташкил кунанд.
Мусобиқаҳои киберварзишӣ ҳамасола дар бисёре аз кишварҳои ҷаҳон баргузор мешаванд. Бозиҳо мустақиман тавассути Интернет пахш карда мешаванд ва ҳамин тариқ аудиторияи зиёдеро ҷалб мекунанд. Мусобиқаи World Cyber Games, ки аз соли 2000 инҷониб ҳамасола баргузор мешавад, Бозиҳои олимпии киберварзиш маҳсуб мешавад. Мусобиқаҳое, ки аз ҷониби истеҳсолкунандагони бозӣ баргузор мешаванд - The International for Dota 2 ё Чемпионати ҷаҳонии League of legends, бонуфуз ҳисобида мешаванд.
Дар соли 2016 Ассотсиатсияи ҷаҳонии киберварзиш таъсис дода шуд (1).
Мисли ҳама гуна намуди варзиш, мусобиқаҳои бозиҳои видеоӣ дар кишварҳои мушаххас шӯҳрати зиёде пайдо карда, аз дигар кишварҳо гузаштанд. Афзоиши таваҷҷӯҳ ба киберварзиш аз омилҳои гуногун, аз ҷумла суръат ва арзиши интернет, инчунин рушди технологӣ ва таваҷҷӯҳи тамошобинон ба бозиҳо вобаста аст.
Пас аз 20 сол, дар eSports якчанд давлатҳои пурқувват муайян карда шуданд. Бозингарон ва дастаҳои ин кишварҳо дар риштаҳои маъмултарин бартарӣ доранд ва дар шаҳрҳои калонтарин мусобиқаҳои сатҳи ҷаҳонӣ баргузор шуда, таваҷҷӯҳи ҳазорон тамошобинро ба худ ҷалб мекунанд.
Топ 10 кишвари асосии киберварзиши ҷаҳонӣ дар соли 2021, аз рӯи шумораи бозигарони касбӣ ва маблағи пуле, ки дар тамоми давра ба даст овардаанд*:
Ҷойи 10-ум – Бразилия
Ҷойи 9-ум - Украина
Ҷойи 8-ум – Олмон
Ҷойи 7-ум – Фаронса
Ҷойи 6-ум – Дания
Ҷойи 5-ум – Русия
Ҷойи 4-ум – Шветсия
Ҷойи 3-юм - ИМА
2-юм – Кореяи Ҷанубӣ
Ҷойи 1 – Чин
* - омор аз ҷониби esportsearnings.com пешниҳод шудааст
Сарчашмаҳо: