Дар соли 2018, аввалин барномаи оммавӣ барои тағир додани чеҳраҳо бо номи FakeApp пайдо шуд, ки асбобҳои дипфейк-ро барои одами оддӣ боз кард. Маҷмӯаҳо барои эҷоди чунин мундариҷа аз он вақт инҷониб дастрасанд ва омӯхтанашон осон аст. Ҳар касе, ки дастрасӣ ба интернет, вақти холӣ, ҳадаф ва ҳавасмандӣ дорад, метавонад мундариҷаи қалбакиро дар вақти воқеӣ эҷод кунад ва онҳоро дар каналҳои шабакаҳои иҷтимоӣ пур кунад.
Аввалин видеоҳои қалбакӣ ҳанӯз соли 2017 пайдо шуданд. Дар аввал, аксари мундариҷаи дипфейк танҳо хандаовар менамуданд: инҳо аксаран видеофайлҳои ҳаваскорона буданд, ки бо истифода аз асбобҳои ройгон сохта шудаанд. Бо вуҷуди ин, дар тӯли солҳо, технология ба дараҷае таҳаввул ёфт, ки маводҳои эҷодкардааш ба таври даҳшатовар боварибахш гаштанд. Вай пас аз он маъруф шуд, ки яке аз корбарони сайти Reddit бо лақаби Deepfakes дар сафҳаи худ видеоеро нашр кард, ки дар он чеҳраи ҳунарпеша аз филмҳои калонсолон бо чеҳраи ҳунарпеша Гал Гадот иваз карда шуд.
Таҳлилгарони IT изҳор доранд, ки технологияи Deepfake метавонад хатарноктарин дар соҳаи рақамӣ дар даҳсолаҳои охир гардад. Бо зиёд шудани Deepfake, ҳолатҳои бадном кардани одамони маъруф, ки аксҳояшон дар Интернет зиёданд, пайдо шуданд. Дар ҷаҳони сиёсат, технологияи Deepfake метавонад ҳамчун силоҳ алайҳи шахсиятҳои алоҳида ва тамоми ҳизбҳо истифода шавад, то дарки ҷомеаро таҳрик диҳад, ба интихобот таъсир расонад. Ҳамчун намунаи Deepfake, метавон як видеои қалбакии соли 2018 бо президенти собиқи ИМА Барак Обама нашршударо мисол овард, ки гӯё вай сарвари ҳозираи Иёлоти Муттаҳидаро таҳқир мекунад. Видео бо истифода аз FakeApp ва Adobe After Effects таҳия шуда буд.
Илова бар ин ҳама чизҳои дар боло овардашуда, инчунин технологияҳои сохтани овозҳо мавҷуданд. Диффейкҳои овозӣ аз ҷониби киберҷинояткорон низ истифода мешаванд - аз ҷумла, бо мақсади бовар кунонидани кормандони ширкат ба амалҳои беиҷозат.
Манбаъ: https://www.anti-malware.ru/analytics/Threats_Analysis/Deepfakes-as-a-information-security-threat