Барои мо пас аз бедор шудан телефонҳои худро гирифта, ба профилҳои шабакаҳои иҷтимоӣ ворид шудан, одат шудааст.
Мо беандеша садҳо постро варақ мезанем, шарҳ медиҳем, вокуниш нишон медиҳем, "лайк" мемонем ва паҳн мекунем. Бисёре аз мо намехоҳем дар бораи манфиати шабакаҳои иҷтимоӣ фикр кунем, зеро то чӣ андоза мо ба онҳо одат кардаем.
Мо ба диққати шумо хатарҳои асосии шабакаҳои иҷтимоиро пешкаш менамоем.
1.Хатари паҳн шудани маълумотҳои шахсӣ
Ҳангоми ҷойгиркунии маълумот дар бораи худ дар шабакаҳои иҷтимоӣ, шумо бояд ба он омода бошед, ки онро шумораи зиёди одамон дида метавонанд. Дар натиҷа, махфияти шумо оммавӣ мегардад.
2. Шикастани паролҳо
Ҳатто агар шумо тамоми чораҳоро андешед, то маълумот дар бораи худ аз бегонагон муҳофизат карда шавад, ин кӯшишҳо дар ниҳоят бефоида шуда метавонанд. Бисёр барномаҳои ҳакерӣ мавҷуданд, ки барои тахмин кардани паролҳо барои вебсайтҳои маъмул ва шикастани онҳо кӯмак мерасонанд.
3. Ҳамтои маҷозӣ
Ҳар сари чанд вақт шумо маълумотро дар бораи худ: санаи таваллуд, маълумот дар бораи оила, касбу кори худ, одамоне, ки бо он кор мекунед, ҷои зистатон ва ғайраҳоро ифшо мекунед. Касе метавонад ин маълумотро дуздида, якҷоя кунад ва ҳамтои маҷозии шуморо эҷод кунад.
4. Интернет вобастагӣ
Сайтҳои шабакаҳои иҷтимоӣ метавонанд вобастагӣ дошта бошад: истифодаи онҳо хеле осон аст, онҳо ба шумо як олами пурраи иттилоотро мекушоянд, ки то ҳол номаълум аст. Шабакаҳои иҷтимоӣ ба шумо имконият медиҳанд, ки худро ба тамоми ҷаҳон баён кунед. Шумо метавонед ба саҳифаҳои худ дар як рӯз борҳо ворид шавед ва вақти бешуморро сарф кунед.
Барои он ки ба шабакаҳои иҷтимоӣ одат накунед, шумо бояд баъзе тавсияҳои равоншиносонро иҷро кунед:
- дастрасиро ба шабакаҳои иҷтимоӣ тадриҷан маҳдуд кардан лозим аст. Масалан: барои худ миқдори муайяни вақтеро, ки шумо дар Интернет сарф мекунед, муқаррар кунед. Муҳим он аст ки вақти худро дар шабакаи иҷтимоӣ тадриҷан кам кунед.
- шумо бояд ба таври дақиқ пайгирӣ намоед, ки дар шабакаҳои иҷтимоӣ чӣ кор мекунед. Он касонеро, ки бо онҳо шумо доимо муошират намекунед ва постҳояшонро танҳо барои он мехонед, ки ба ин кор одат кардаед, бераҳмона аз рӯйхати дӯстон хориҷ кунед. Хониши паёмҳои нав бояд ба як, ё ҳадди аксар ду маротиба дар як рӯз коҳиш дода шавад.
- дар бораи саломатии худ фикр кунед. Агар шумо хоби бад дошта бошед, ба дарди сутунмӯҳра дучор оед, айнак ё линза бипӯшед, пас тасаввур кунед, ки чӣ қадар нороҳатӣ ва ғам аз ҳаёти шумо нопадид хоҳад шуд.
Хатари дар шабакаҳои иҷтимоӣ пинҳоншуда беш аз воқеӣ аст. Шумо метавонед аз истифодаи шабакаҳои иҷтимоӣ лаззат баред, аммо шумо бояд онро оқилона ва бодиққат истифода намоед. Ҳангоми мубодилаи маълумоти шахсии шумо ба дигарон аз ақли солим истифода баред. Ба он омода бошед, ки саҳифаи шумо ҳар лаҳза метавонад оммавӣ шавад.
Манбаъ: https://sites.google.com/site/socsetki/home/pomos-v-sozdanii-socialnoj-seti